Plantun de Prouvènço

Pèr coumpara dos planto d'encò nostre

Bupleurum rigidum & Allium scorodoprasum

Bupleurum rigidum

Apiaceae Umbelliferae

Noms en français : Buplèvre raide, Oreille-de-lièvre.

Descripcioun :
L'auriho-de-lèbre es uno planto coumuno que trachis souto lis éuse e dins la garrigo de colo. Flouris l'estiéu, la planto èi drecho e seco, se recounèis à si lònguis fueio que dounon d'èr à d'auriho, èi verai, de lèbre. Coume tóuti li Bupleurum fai de pichòti flour jauno.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 0,3 à 0,6 m
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Bupleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Jauno
Petalo : 5
Ø (o loungour) flour : 3 mm
Flourido : Estiéu - Autouno

Sòu : Ca
Autour basso e auto : 0 à 600 m
Aparado : Noun

Liò : Garrigo - Tepiero seco - Colo
Estànci : Mesoumediterran à Subremediterran
Couroulougi : Estenoumediterran
Ref. sc. : Bupleurum rigidum L., 1753

Racambolo

Allium scorodoprasum

Amaryllidaceae Alliaceae

Àutri noum : Rocambolo, Aiet-d'Espagno.

Noms en français : Rocambole, Ail rocambole.

Descripcioun :
La racambolo es un grand aiet prim emé de fueio larjo (10 à 15 mm) e claro d'ounte se vèi uno grosso costo. Trachis en mountagno dins li prado, lis ermas e li meissoun. Se recounèis à si bousseleto vióuleto founso à quàsi negro, au mitan de quàuqui flour pourpro dins un brout de 2 à 3 cm de larg.

Usanço :
Es uno planto manjadisso, li fueio e li bousseleto se bouton dins lou manja dóu meme biais que l'aiet cultiva. Coume tóuti lis aiet èi bon pèr la santa de proun de biais (vèire çai-souto : anti-óussidanto, anti-enflamativo, anti-bateriano...). Ei pèr eisèmple vertuouso contro li verdau.

Port : Erbo
Taio : 60 à 120 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Allium
Famiho : Amaryllidaceae
Famiho classico : Alliaceae

Ordre : Asparagales

Coulour de la flour : Vióuleto
Petalo : 6
Ø (o loungour) enflourejado : 2 à 3 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Mai à juliet

Liò : Meissoun - Prado - Ermas
Estànci : Subremediterran à Mountagnard
Couroulougi : Éurasiatico
Ref. sc. : Allium scorodoprasum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Bupleurum rigidum & Allium scorodoprasum

ges

Coumpara Auriho-de-lèbre emé uno autro planto

Coumpara Racambolo emé uno autro planto